Китоби дарсии «Иқтисоди корхона» нашри дуюм ва такмилшуда буда, донишҳои назариявии мукаммалро дар бораи фаъолияти корхона дар бар мегирад. Мавзуъҳои матраҳшуда ба фаслҳои алоҳида тақсим карда шуда, ба хонанда имконият медиҳанд дар бораи мафҳуми корхона, захираҳо ва нишондиҳандаҳои истифодаи онҳо, механизми иқтисодии фаъолияти корхона, фаъолияти соҳибкорӣ ва инноватсионӣ, ташкили идоракунии корхона ва механизми муфлисшавии он донишҳои пурраву саҳеҳ гирад. Муаллифон бо назардошти инкишофи муносибатҳои нави бозорӣ як қатор мавзӯъҳои нави ба талаботи замон мувофиқро илова намуда, мавзӯъҳои дигарро бо қобили таваҷҷуҳ пурра гардонидаанд. Китоби мазкур барои тадриси фанни «Иқтисодиёти корхона» ва инчунин ба муаллимони муассисаҳои олии таълимӣ, аспирантону унвонҷуён, донишҷуёни риштаҳои иқтисодӣ ва доираи васеи мутахассисону роҳбарони корхонаҳо пешбинӣ шудааст.

С. Н- Комилов, У. Давлатзод. Иқтисоди корхона. Душанбе - "Собириён", 2012.448 с.