МЕҲАН Танида ёди ту дар тору пудам, Меҳан, ай Меҳан! Бувад лабрез аз ишқат вуҷудам, Меҳан, ай Меҳан! Ту будам кардӣ аз нобудиву бо меҳр парвардӣ, Фидои номи ту буду набудам, Меҳан, ай Меҳан!
Сухан бузург шавад чун дуруст бошаду рост, Кас ар бузург шуд аз гуфтаи бузург, равост. Чи ҷид, чи ҳазл, дарояд ба озмоиши каҷ, Ҳар он сухан, ки напайваст бо маонии рост. Шунидаӣ, ки ба як байт фитнае биншаст, Шунидаӣ, ки зи як шеър кинае бархост!