JM Free Ebooks - шаблон joomla Форекс
Панҷшанбе, 15 Марти 2018 04:11

Чашмони наврӯзӣ

Муаллиф:

Чашмони наврӯзӣ

 Аз нигоҳи сабзчашме дар ҷаҳони ишқи ман,

Лолаву себарга мерӯяд саропо сабзранг.

Дар ҷаҳони ошиқӣ, оҳанги якрангӣ хатост,

Шукри ин чашмон, ки мебинам навоҳо сабзранг.

Фитнаи чашмони сабзинаш, чӣ гӯям беш аз ин,

Мерасад бар гуши дил савту садоҳо сабзранг.

Ақл мехонад маро бар оламе, бе рангу бӯ,

Дар ҳавои ишқ меболад адоҳо сабзранг.

Кас надонад ҳикмати чашмони сабзу соҳираш,

Ҷуз мани ғофил, ки дидам ин балоҳо сабзранг.

Дар ҷаҳони сокиту аз кинаҳо сарду хазон,

Чашми наврӯзӣ барангезад нидоҳо сабзранг.

                                                                      (III-1996)

                                                           Комил Бекзода

Хондан 1563 маротиба
Маводҳои дигар дар ин бахш: « Баҳори ишқ Паёми Наврӯз »