Дӯсти донишманд, шахсият ва шоири отифӣ Сабур Носири гиромӣ!
  Имрӯз - 4 октябр мелод ва зодрӯзи Шумост. Агарчи доираи маҳфили “Ҷаҳони андеша” бо шахси Шумо аз наздик дертар ошно шудааст, аммо симои эҷодӣ ва илмиатон кайҳо барои ҳавзаҳои адабӣ ва илмии тоҷик кайҳо боз шинос аст. Зимнан, шахсияти чандбуъдӣ ҳастед ва фаъолияти чандсӯйӣ ва бисёрсамтаи Шумо боиси боло рафтани мақому манзалати адабӣ, илмӣ, ихтисосӣ ва педагогиатон гардидааст: дар заминаи забону адаби форсӣ ихтисоси донишгоҳӣ гирифтед, дар мақомоти давлатӣ ба сифати мудир-менеҷер фаъолият кардед, дар мурофиаҳои додгоҳӣ дар симати тарҷумон ширкат варзидед, курсҳои бозомӯзӣ ва такмили ихтисосро дар самти забони англисӣ бомуваффақият гузашта, минҳайси тарҷумон қувва озмудед, таҷрибаи фикрию илмӣ ва ихтисосию эҷодиро дар бонуфузтарин марокизи мамолики мутамаддини урупоӣ гузаштед, ҳамчун омӯзгор-педагог муваффақед, ба шеър рӯ оварда, дар баёни эҳсосу отифат ба дараҷаи камол расида, шеъри тозаи ғиноию тасвирию отифиро, ки мунҳасир ба фарди Шумост, дар шабакаҳои иҷтимоӣ ва фазои маҷозӣ пахшу нашр мекунед. Ин аст, ки муҳити адабӣ, эҷодӣ, педагогӣ, илмӣ ва мадании тоҷик Шуморо хуб мешиносанд ва ба шахсият, фарҳанг, ҳунар ва сабку салиқаи эҷодиатон арҷ мегузоранд.

 Устод Шодимуҳаммад Сӯфизода,

   Шумо ба унвони шахсияти матраҳи адабӣ, илмӣ ва фарҳангӣ солҳост миёни доираҳои илмӣ, ҳавзаҳои фикрӣ ва муҳитҳои мадании  ҷумҳурӣ маъруфият доред. Шахсияти илмӣ, адабӣ ва иҷтимоии Шумо дар заминаи бардоштҳои илмию адабӣ ва мутолеоти густардаи адабиёти гуногунмуҳтавои русию урупоӣ шакл гирифта, ба таври тадриҷӣ рушд кардааст. Таҳсилу омӯзиш дар марказҳои бонуфузи  шарқшиносии шӯравӣ, мутолеоти  бардавоми осори адабию илмӣ, андӯхтани таҷриботи ҳавзаҳои илмӣ-фаннии ғарбӣ, сафарҳои зиёди хидматию таҳқиқӣ ба мамолики хориҷӣ, ковишу ҷустуҷӯҳои ҷиддии ихтисосӣ дар заминаи мероси сӯфия ва умуман, адабиёту фарҳанги минтақавию ҷаҳонӣ Шуморо миёни ҷомеаи маданӣ ва фаъолони илмию донишгоҳӣ минҳайси донишманди саршинос ва адабиётшиноси варзидаи миллӣ соҳибэҳтиром гардонидааст.

  Суҳбати ихтисосии муҷрии барномаи телевизионии “Фарҳанги муосир”-и Муассисаи давлатии “Телевизиони Сафина” Исомиддин Шарифзода бо доктори (PhD) дар соҳаи геология Ҷовид Аминов дар мавзуи "Омилҳои вуҷуд доштани ҳаёт дар рӯи Замин”. Лутфан, таваҷҷуҳ фармоед.

  Агар то ибтидои асри ХХ 11% ҳудуди Ҷумҳурии Тоҷикистонро пиряхҳо ишғол мекарданд, ин нишондиҳанда дар нимаи аввали асри ХХ 8% ва дар интиҳои асри гузашта ба 6% расидааст. Маҳз бар асари гармшавии иқлим ва афзоиши газҳои гулхонаӣ раванди обшавии пиряхҳои Тоҷикистон шиддат ёфта, то имрӯз беш аз 1000 пирях комилан об шудаанд. Агар раванди мазкур бо чунин тамоюл густариш ёбад, он гоҳ то соли 2050 бисёр пиряхҳои то 1 км2 масоҳатдошта пурра нобуд мешаванд ва майдони зери ях қарордошта дар бисёр минтақаҳои мамлакат то 20-25% кам мешавад. Дар ин бора Директори Институти масъалаҳои об, гидроэнергетика ва экологияи Академияи миллии илмҳои Тоҷикистон, доктори илмҳои техникӣ Ориф АМИРЗОДА ба АМИТ «Ховар» хабар дод.