Муаллиф – узви вобастаи Академияи миллии илмҳои  Тоҷикистон, доктори илмҳои иқтисодӣ, профессор, мудири шуъбаи демографияи Институти иқтисодиёт ва демографияи Академияи миллии илмҳои Тоҷикистон.

  Дар китоб натиҷаҳои таҳқиқоти чандинсола оид ба рушди биоиҷтимоии инсон, гузаришҳои демографӣ ва иҷтимоӣ пешниҳод шудаанд. Масъалаҳои рушди инсони биологӣ ва иҷтимоӣ, амали муштараки онҳо, афзоиш ва рушди аҳолӣ баррасӣ шуда, қонуниятҳои ҳамаи нишондиҳандаҳои демографӣ, омилҳо ва сабабҳои тағйирёбии онҳо дар тӯли тақрибан 120 сол дар ҷаҳон, минтақаҳо ва кишварҳои Осиёи Миёна, ташаккули навъи нави гузариши демографӣ дар Тоҷикистон, таҳқиқи гузариши иҷтимоӣ ва дурнамоҳои рушди инсон мавриди омӯзиш қарор гирифтаанд.

  Китоб барои демографҳо, ҷомеашиносон, иқтисодчиён, файласуфон, инчунин барои доираи васеи хонандагон пешбинӣ шудааст.

Исламов С.И. Рушди биоиҷтимоии инсон. Гузаришҳои демографӣ ва иҷтимоӣ. – Душанбе, 2021.