Фарҳанги мазкур дар самти фарҳангсозӣ ва фарҳангнигории тоҷикӣ таҷрибаи нахустин буда, беш аз 7000 истилоҳи асосии соҳаҳои химия ва технологияҳои химиявиро бо забонҳои русӣ, англисӣ ва тоҷикӣ фаро мегирад.

Фарҳанг барои кормандони илмӣ, омӯзгорон ва донишҷӯёни муассисаҳои таҳсилоти олии касбӣ, муҳандисон, технологу конструкторҳо ва дигар мутахассисоне, ки дар соҳаҳои илм, техника, саноат ва монанди инҳо кору фаъолият мекунанд, таъйин шудааст.

Фарҳанг аз нигоҳи нав, пеш аз ҳама бо истифодаи ҳарчи бештари имкониятҳои дохилии забони тоҷикӣ дар сохтани истилоҳоти химия, ҳамчунин пазируфтани баъзе истилоҳҳои байналмилалӣ бо назардошти хусусияти байналмилалӣ доштани илм, техника, технология таҳия гардидааст.

Умедворем, ки фарҳанг дар роҳи ба низом даровардани истилоҳоти соҳаи химия дар китобҳои дарсӣ ва адабиёти илмӣ бо забони тоҷикӣ мусоидат менамояд.

Дар фарҳанг тарзи мустақими ҷойгир кардани истилоҳҳо, яъне дар шакли ҳам калима ва ҳам ибораи изофӣ бо тартиби алифбои кириллӣ ҷойгир кардани истилоҳҳои русӣ (англисӣ) ва муодилҳои тоҷикии онҳо дар як хонача истифода шудааст.

Пирмаҳмад Нуров. Фарҳанги русӣ-англисӣ- тоҷикии истилоҳоти химия.

Муҳаррирон: Раҳмонов Р. – доктори илми химия, профессор;

                            Каримзода М. - доктори илми химия, профессор;

                            Ҷамшедов П.- доктори илмҳои филологӣ, профессор

Муқарризон: Бадалов А. – доктори илми химия, профессор;

                            Қурбонов А.С. – доктори илми химия, профессор.

Бо қарори шӯрои олимони Институти химияи ба номи В.И.Никитини АМИТ аз 16 ноябри соли 2022, №9 ва қарори Шӯрои илмии табъу нашри АМИТ аз 13 декабри соли 2022, №82 ба чоп тавсия шудааст.