Замони зиндагӣ ва фаъолияти илмию  эҷодии  Аҳмад  Маҳдум  ибни Мирносир ал- Ҳанафӣ  ал- Сиддиқии  Бухороӣ, машҳур ба  Аҳмад  Махдуми Дониш (1827- 1897)  нависанда, шоир, таърихнавис,  донишманд,  мунаққиди беназир ва  ростравон, ходими  намоёни  ҷамъиятӣ, дар яке марказҳои таърихию  фарҳангии Осиёи Миёна- Бухоро  ҷараён гирифтааст, Осори  гаронқадри  адабию таърихӣ,  илмии  ӯ дар таърихи афкори иҷтимоию  сиёсӣ, бадеӣ  ба сифати  мероси камназири  адабию   таърихии    ин садаи  мардумони Осиёи Марказӣ  пазируфта шудааст.  Дар замони   ӯ    симоҳои  баноми адабу фарҳангии мардумони  Осиёи Марказӣ  чун  Абдуқодирхоҷа  Савдо (1823-1973), Шамсиддин Шоҳин( 1866- 1895), Абай  Кунанбой (1845-1904), Токтогул  Сотилған(1864-1933), Ҷунайдулло  Ҳозиқ(1800- 1843) ,Зокирҷон Фурқат (1858- 1908) ,Чукан Валихон (1835 -1865), Аваз Утар (1884-1919), Муҳаммад  Аминхоҷа Муқимӣ (1856- 1903), Ҷамбул  Ҷабай (1846-1945), Тошхоҷа Асирӣ(1864- 1916) , Ҳамза  Ҳакимзода Ниёзӣ(1889- 1929) , Садриддин Айнӣ (1878- 1954) ва дигарон зиндагию фаъолият намуда  навиштаҳояшон дар таърихи  афкори  иҷтимоию  фарҳангии   садаи Х1Х ва оғози садаи  ХХ-Осиёи Марказӣ  ҷойгоҳи хос доранд.

Дар барномаи навбатии «Фарҳанги муосир», ки дар шабакаи телевизионии «Сафина» ҳар ҳафта пахш мегардад, корманди илмии Маркази омӯзиши равандҳои муосир ва оянданигарии илмӣ АИҶТ Нуров Нозим  иштирок намуданд. Мавсуф бо ҳамроҳи муҷрии барнома номзади илмҳои фалсафа, Исомиддин Шарифзода мавзӯи «Дунявият ҳамчун низоми зиндагӣ» -ро мавриди баррасӣ қарор доданд.

  Рӯзҳои 9-10 ноябри соли 2016 дар шаҳри Москва Форуми байналмилалии гуманитарӣ таҳти унвони «ИДМ -25: ҳамдигарфаҳмӣ, ҳамкорӣ, инкишоф” доир гардид, ки дар он намояндагони сохторҳои давлатӣ, макотиби олӣ, муассисаҳои илмӣ, созмонҳои ҷавонони давлатҳои узви ИДМ ширкат намуданд. Дар ин Форум ҷонишини директори Институти таърих, бостоншиносӣ ва мардумшиносии АИ ҶТ, номзади илмҳои таърих, досент А.М. Ғафуров ширкат ва суханронӣ намуд. Муҳтавои маърӯза инчунин дар мусоҳиба бо мухбири радиои “Медиаметрикс” баён шудааст.

  Шоми 29-уми октябри соли ҷорӣ қалби нозуку пурэҳсоси яке аз маъруфтарин адабиётшиносони муосири тоҷик Устод Худоӣ Шариф дар синни 80-солагӣ аз тапидан бозмонд. Устод Худоӣ Шариф ба сифати адабиётшиноси варзида дар се шохаи мустақили илми адабиётшиносӣ --таърихи адабиёт, нақди адабӣ ва назарияи адабиёт таълифоти фаровоне ба мерос гузоштааст. Ба нудрат адабиётшиносеро метавон дарёфт, ки мисли устод Худоӣ Шариф адабиётшиноси комил бошад. Ӯ бо сабки сухани хосса ба майдони адабиётшиносии миллӣ ворид гардида, ба равиши нависандагӣ дид ва нигоҳи тоза, ки аз фарохии мутолеот, таҷрибот ва мушоҳидоти амиқаш сарчашма гирифтаанд, зам намуд. Осори ӯ марбути паҳлуҳои гуногуни илми адабиётшиносии миллист.