Ман ба таблиғи рисолат омадам,

То раҳонам ман шуморо аз надам.

                                           Мавлавӣ

  Баъди аз байн рафтани давлати миллии Сомониён ва рўйи кор омадани сулолаҳои бегонатабор рўҳи миллӣ, ки дар замони Тоҳириён, Саффориён, ба вижа Сомониён, зиндаву эҳё ва ба авҷ расида буд, ба заъф мегарояд. Маҳмуд ва ҳамфикрони ў бар зидди Фирдавсӣ, ки зиндакунандаи рўҳи миллӣ ва эҳсоси ватандўстона буд, мебароянд ва барои он ки нақшу мақоми шоҳкори ў «Шоҳнома» - ро бикоҳанд ва билкул аз байн бибаранд, даст ба фирдавсиситезӣ мезананд. Хусусан шоирони дарбори  ў - Унсурӣ, Фаррухӣ ва дигарон ба иншои достонҳои ба истилоҳ ҳамосавӣ, аз ҷумла «Тоҷ-ул-футуҳ», «Давлатнома», «Маҳмуднома» ва ғайра, мезананд ва ба таври ошкоро ба Фирдавсӣ ва рўҳи миллӣ метозанд. Аммо бо ин ҳама кўшиш наметавонанд рўҳи миллиро аз байн бибаранд. Баръакс, «Шоҳнома» беш аз пеш дар байни мардум шуҳрат меёбад ва Фирдавсӣ маҳбубият пайдо менамояд. Ҳатто иншои китоби «Умарнома», ки дар муқобили «Шоҳнома» навишта мешавад, наметавонад мардумро аз «Шоҳнома» ва шоҳномахонӣ дур созад, рўҳи диниро ҷойгузини рўҳи миллӣ намояд. Ба ҳарфи дигар, бегонагон, аз ҷумла Маҳмуд ва ҳамандешони ў, натавонистанд, ки рўҳи миллиро шикаст диҳанд ва онро яксар аз миён бардоранд.

 Мавзӯи Рӯзи фалсафа дар соли 2018 - мубрамтарин масоили марбут ба ҳастӣ дар баробари чолишҳои ҷадид, инчуини таҳлили вобастагии фалсафа ва санъат, мебошад.

Тавре Котиби генералии ЮНЕСКО Одри Азуле фармудааст –Фалсафа такягоҳе бар зидди заифии ақлу андеша  аст». Ва ин фармуда хеле хуб амазмун ва муҳтавои ғоявии Рӯзи ҷаҳонии фалсафаро, ки дар арсаи ҷаҳонӣ панҷшанбеи сеюми моҳи ноябр таҷлил мегардад, ифода менамояд. Имсол он ба 15 ноябр мувофиқ омада, дар ин рӯз ҳамаи онҳоеро, ки ҳикмат ва маърифатро дӯст дошта ҳаёти худро бидуни пурсуҷӯ, омӯзиш ва тахқиқот тасаввур намекунанд, табрик ва муборакбод менамоем. Иқдоми ҷашнгирии рӯзи ҳикматдӯстон дар арсаи ҷаҳон аз ҷониби ЮНЕСКО ҳанӯз соли 2002 ифода гардида, он аз соли 2004 ба ҳукми анъанаи ҷаҳонӣ даромад. Зарурати таъсиси ин гуна ҷашнвора аз он бармеояд, ки бояд заминаи умумии муҳокимаи дигаргуниҳои иҷтимоӣ-фарҳангӣ, ба мероси ғанию бои фалсафӣ моил намудани одамон, мусоидат барои ворид шудани ғояву андешаи наву тоза ба тарзи тафаккури урфӣ, тақвият бахшидани соҳаи муҳокимаву мубоҳисаҳои оммавии мутафаккирон бо ҷомеаи шаҳрвандӣ дар маврищди хавфу хатарҳои мубрами ба ҷомеаи ҷаҳонӣ таҳдидгар мебошад.

  Анис Мансур файласуфи муосири Миср аст. Соли таваллудаш 18 августи соли 1924. Зодгоҳаш шаҳри ал-Мансура дар вилояти Дақҳалияи Ҷумҳурияи Мисри Араб. Вафоташ 21 октябри 2011 дар шаҳри Қоҳира. Аз бемории варами шуш вафот кардааст. Бо хонум Риҷоъ Мансур издивоҷ кард. Ҳар ду ба ин маслиҳат расиданд, ки бояд фарзанде надошта бошанд. Чаро ки барои фаъолияти эҷодии ҳар дуяшон халал ворид мекунад. Ҳамин тавр, то охири умр бефарзанд боқӣ монданд. Солҳои 1950-2001 солҳои фаъолиятҳои эҷодии ӯ буд.

  Асосгузори сулҳу ваҳдат – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доимо дар баромаду вохўриҳо оид ба устувории ваҳдати миллӣ дар Тоҷикистон ва беҳтар гардонидани некўаҳволии шаҳрвандони мамлакат, рушди иқтисодиву иҷтимоӣ ва инноватсионӣ бо роҳи фароҳам овардани шароити созанда барои  ҷалби инвеститсияҳо ва технологияҳои замонавӣ, суханронӣ менамоянд. Чунин иқдомҳои Сарвари давлат бояд аз тарафи сохтору мақомотҳо ва ташкилоту корхонаҳо дастгирӣ пайдо карда, ҷиҳати амалӣ гардонидани онҳо пайваста тадбирҳои самаранок андешида шаванд.