Соли 2011 бошад ходими илмии  Маркази омӯзиши манъбаҳои барқароркунандаи энергияи Институти физикаю техникаи ба номи С.У.Умаров. Улугхоҷаева М. ҳаммуаллифи зиёда аз 30-мақолаи илмӣ ва 3 ихтироъ мебошад. Бо маслиҳатҳои муфиду роҳнамоии муаллима бо ҷавонон, барои пешбурди  корҳои илмӣ ва дифои рисолаҳои илмӣ саҳми арзандаи худро гузоштааст. Дар тули солҳои корӣ ҳамчун аъзои иттифоқи касаба, аз соли 2016 то инҷониб  ҳамчун муҳандиси пешбар ва мутассадии амвол шуда кор  ва фаъолият дорад.  Меҳнатҳояшро ба назар гирифта, бо ифтихорномаҳои Институт ва АМИТ қадрдонӣ   карда шудааст. Ҳамин хислатҳои неку софдилонаи ин зани меҳрубонро ба назар гирифта, маъмурияти Институт  ба гирифтани медали зиёда аз 50 соли фаъолияти дар як корхонаи илмӣ бефосилаи пурсамар дар АМИТ пешниҳод намуданд,ки ин ба 30-солагии Истиқлолияти Ҷумҳурии Тоҷикистони азизамон мувофиқ  омад, барои фаъолият ва корҳои дилсофонааш бо медал сарфароз гардонида шуд.

 Бо қарори

Раёсати Академияи миллии илмҳои Тоҷикистон

Аз “25” октябри соли 2021,

№113

бо медали “50 соли фаъолияти бефосилаи пурсамар дар Академияи миллии илмҳои Тоҷикистон” мукофотонида шудааст.

Кормандони институти физикаю техникаи ба номи С.У.Умарови АМИТ хурду калон Махсуда Яҳёевнаро ҳамчун  зани фаъол, кушодарўй хоксору меҳрубон  ҳурмату эҳтиром менамоянд.

Ба ин зани меҳнатдўст, инсони заминӣ, ки ба сину соли худ нигоҳ накарда дар тамоми  корҳои илмию ҷамъиятӣ фаъолона иштирок менамояд, аввало саломатӣ умри дарози бобаракат, рузѓори обод,муваффақиятҳои бепоёнро таманно дорем.

Шамъ шав, шамъ,ки худро сӯзӣ, 

То бад-он базми касон афрӯзӣ.

Абр шав, то ки чу борон резӣ,

Бо гулу хас ҳама яксон резӣ.

Сайфуддинова Робия Зайниддиновна

муҳандиси лабораторияи спектроскопияи молекулавӣ

институти физикаю техникаи ба номи С.У.Умарови АМИТ