Шумо минҳайси мудир-омили Фарҳангистони миллӣ дар роҳи беҳтар кардани шароити корию эҷодӣ, боло бурдани сатҳи ҷаҳоншиносии илмӣ, тақвияти тафаккури мантиқӣ, таҳкими раванди таҳқиқӣ-пажуҳишӣ, пахшу нашри осори мондагори аҷдодӣ, таблиғи илми академӣ, тарғиби дастовардҳои илми ҷаҳонӣ ва билохира ҳифзи сармояи зеҳнӣ қадамҳои устувор бардошта, ба ин васила дар рушду тараққиёти мамлакат саҳми муносиб мегузоред. Афзун бар ин, сатҳи баланди муносибат ва муошират бо ҳайати кормандон ва персонали илмӣ-таҳқиқӣ мақому нуфузу ҷойгоҳи Шуморо ҳамчун садри хирадхонаи миллат ва мудир-менеҷери муваффақи соҳаи илми ватанӣ боло бардоштааст. Ин аст, ки ҳар корафтодае, новобаста аз сатҳу дараҷаи илмию мансабӣ ва иҷтимоӣ роҳат бо Шумо дар мавзуоти мавриди назар суҳбат мекунад ва қаноатмандона изҳори сипос менамояд.              

    Аз фурсати муносиб истифода бурда, ҷашни мелодатонро шодбош гуфта, ба Шумо, пеш аз ҳама, сиҳатмандию тандурустӣ, руҳи тамомнопазири илмию эҷодӣ ва иқболи ҳамешагиро таманно менамоем. Мутмаинем, ки бо тавону неруи фикрӣ, қудрати эҷодӣ, руҳияи миллӣ ва тоҷиксифатӣ солҳои дароз дар хидмати Меҳан ва хирадхонаи миллат қарор хоҳед гирифт. Воқеан:

Тоҷиксифатӣ мадраку аслу насаби туст,

 Хидмат ба хирадхонаи миллат талаби туст!

Бо эҳтиром,

аъзои Маҳфили «Ҷаҳони андеша»

    19 сентябри соли 2023