Танҳо ҳамон инсонҳое дар куҳансолӣ эҳсоси худризоӣ ва қаноат менамоянд, ки дар ҷавонӣ ва дар тули умр машғул ба офарандагӣ будаанд ва осори офаридаи онҳо ба онҳо дар рӯзгори пирӣ дар баробари ҳамагуна ноумедиҳо тасаллият мебахшад. Ба ин андешаи Шопенҳауер мо боз онро илова менамоем, ки на танҳо осори офарида, балки амалҳои дигаре низ ҳастанд, ки бо мумури замон аҳамият ва ҳақиқати таърихии худро ошкор месозанд ва ба муаллифи он ҷовидонагиро бармегардонанд. Амалҳои бузург на бо ҳаёҳӯ ва овозаю дарвоза, балки ниҳоят ноаён ва оромона, ба гуфтаи шоиронаи Нитше, “бо садои пои кабӯтарон” фаро мерасанд.…

(Паёми шодбошӣ ба муносибати зодрӯзи файласуфи муосири миллӣ Нуриддин Шаҳобиддин) Бародари гиромӣ, Нуриддин Шаҳобиддин! Мелоди Шумо, барои ҷамъи дӯстон ба унвони мелоди озодандешии миллӣ талаққӣ мешавад. Муҳимтар аз ҳама, Шумо ба унвони шахсияти матраҳи ҳаракати равшанфикрии миллӣ дар марҳилаи навини таърихӣ солҳост, ки дар ҷодаи мушкилписанди ҳувиятсозии миллӣ ва ташаккули биниши фалсафӣ дар сатҳи иҷтимоӣ гомҳои устувор бармедоред. Шахсияти фалсафӣ ва иҷтимоии Шумо дар заминаи илму хиради миллӣ ва урупоӣ шакл гирифта, ба таври тадриҷӣ рушд кардааст. Омӯзиш ва мутолаеи бардавом, таҳсил ва андӯхтани таҷриботи илмӣ, фалсафӣ ва ихтисосӣ дар бузургтарин марказҳои илмӣ ва фалсафии…

 (Паёмномаи ҷашнӣ ба ифтихори 80-солагии файласуф, андешаманд ва рӯшанфикру рӯшангари муосири миллӣ Устод Комил Бекзода) Барои аъзои маҳфили фалсафии “Ҷаҳони андеша” 9 январ рӯзи вежаи сол аст. Дар ин рӯз поягузори маҳфили фалсафии “Ҷаҳони андеша” – Устод Комил Бекзода зодрӯз доранд ва имсол – дар оғози Сони нави мелодӣ ба синни 80 қадам мениҳанд. Дар зимн, ҳамасола дар ин рӯз дӯстону алоқамандони шахсияти Бекзода гирди ҳам омада, дар доираи нишасту маҳфили хосса сари буҳронҳои фикрию ҳувиятӣ ва ҳассосиёту чолишҳои имрӯзӣ баҳс мекунанд. Устод Бекзода, ки аз унвони эҳтиромию ифтихории “Устод” сахт ҳазар доранд, бо доштани…

 Рӯзноманигори ҷавони мо, Зоҳиршоҳи гиромӣ! Имрӯз – 3 январ дар рӯзҳои нахустини Соли нави мелодӣ дӯсту бародари гиромии мо – Зоҳиршоҳи Сайфулло ҷашни мелод доранд. Ҷуръату ҷасорати Шумо на танҳо дар навиштану таҳия кардани маводи дархури миллӣ, балки дар муборизаву муқовимат алайҳи нодонию ҷаҳолату хурофазадагӣ сутуданист. Дар зимн, зиёд нафаронеро мешиносему медонем, ки бо хурофогту таассубу ҷаҳолату нодонӣ, ки вабои ҳамаи давру замон маҳсуб мешаванд, созиш мекунанд, ба иддаоҳои хушкандешон посух намедиҳанд, фазлфурӯшиҳои аҳли хурофаро бошавқ гӯш мекунанд ва дар баробари хурофадовариҳо таҳаммулпазиранд, аммо Шумо-Зоҳиршоҳи азиз, новобаста ба синнусоли ҷавонӣ, ҳадафмандона бар рағми тоифаи хушкандешу…