JM Free Ebooks - шаблон joomla Форекс
Равшанфикр

Равшанфикр

ЭЪЛОН

        Институти фалсафа, сиёсатшиносӣ ва ҳуқуқи ба номи А.Баҳоваддинови Академияи миллии илмҳои Тоҷикистон барои ишғоли вазифаи мудир дар Шуъбаҳои зерини муассиса озмун эълон менамояд:

Душанбе, 14 Декабри 2020 05:01

Моро фалсафаи миллии амал зарур аст

  Асри ХХ бо назардошти зуҳурот ва моҳияти воқеаву фоҷеаҳои дар ҳаёти инсони муосир бавуҷудомада, ки баъзе аз онҳо аз рӯи миқёси худ бебақоии мавҷудияти башариятро дар ҷаҳон ба намоиш гузоштанд, бесобиқа буд. Тағйироту таҳаввулоти дар соҳаҳои мухталиф руйдода, аз ҷумла, муносибати инсон ба сайёра, инчунин, ба қисме аз фазои кайҳонӣ, ки онро инсон аз худ карда истодааст, муносибатҳои байни давлатҳои ҷаҳон, ки ба тақдири башар, ба вижа, табиати ихтилофоти байни табақаҳои гуногуни иҷтимоӣ ва субъектҳои сиёсии сатҳи байналмилалӣ таъсир мегузоранд, на ҳама вақт дуруст дарк карда мешаванд.

Душанбе, 14 Декабри 2020 04:59

Назаре ба фалсафаи Конфутсий

  Ахлоқ дар Чини Қадим аз нахустин «тсзяо» — таълимоти динӣ-фалсафӣ сарчашма мегирад. Асосгузори он ҳаким ва файласуфи Чини бостон Кун Футсзи мебошад, ки дар солҳои 551-479 пеш аз мелод зиндагӣ кардааст. Ин ҳакими чинӣ дар Аврупо бо номи Конфутсий  ва таълимоти ӯ бо конфутсионизм (конфутсчигӣ) маъруфу машҳур аст. Ба гуфтаи худи Конфутсий ӯ дар овони ҷавонӣ зиндагии сангинро аз сар гузаронида, бо обкашӣ ва чаронидани чарвои ҳамсояҳо машғул будааст. Конфутсий  аз овони ҷавонӣ дорои зеҳни тез ва ҷаҳонбинии васеъ будааст.
Сешанбе, 08 Декабри 2020 12:23

Шарқшиноси миллӣ дар муҳити илмӣ

(ба муносибати солрӯзи шарқшиноси шаҳири миллӣ, устод Тоҷиддин Мардонӣ)

  Гузаронидани семинар-машваратҳо бо ҳузури шахсиятҳои варзидаи илму адаби ҷумҳурӣ дар муҳитҳои илмӣ ва фарҳангӣ ба ҳукми анъана даромадааст. Бо он ки муддате ин навъ чорабиниҳои илмию эҷодӣ бар асари гирифториҳо ва мушкилоти корию идорӣ мутаваққиф шуда буд ва ё ин ки сатҳӣ ва рӯякӣ доир мешуданд, коргирӣ аз ин усули муассири илмӣ, маърифатӣ ва фарҳангӣ дар шароити феълӣ машрӯият пайдо мекунад. Чанд соли ахир таҷрибаи гузаронидани маҳфил ва семинар-машваратҳоро, ки бо ҳузури фаъоли донишмандони матраҳи ҷумҳурӣ ва аспирантону магистрону унвонҷӯёни бахшҳои гуногуни илм сурат мегиранд, дар сатҳи зарурӣ Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон ҳосил кардааст. Бо таваҷҷуҳ ба ин, Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон семинар-машварати навбатии худро 8 декабри соли ҷорӣ доир намуда, онро ба фаъолияти илмию эҷодӣ ва иҷтимоию сиёсии шарқшиноси номдори тоҷик, доктори имлҳои филологӣ, профессор Тоҷиддин Мардонӣ ихтисос дод.

Саҳифа аз 2 то 155