Равшанфикр
Барои насли тоҷик ифтихорӣ! (Сӯгномаи маҳфили “Ҷаҳони андеша” дар заминаи даргузашти шарқшинос, андешаманд ва рӯшангари миллӣ Устод Зафари Мирзоён)
Бирафт Ӯву ҳама армони мо рафт,
Ки гӯйӣ аз тани мо ҷони мо рафт.
Ба уммеди шукӯҳи ҷовидонӣ
Дареғ, устод Мирзоёни мо рафт!
Таъсири ғариза, ирода, хоҳиш ва ниёзу талаботи инсонӣ дар ташаккули ахлоқ
Ахлоқ яке аз куҳантарин навъи маънавиёти башар маҳсуб аст, ки аксар аз пажуҳишгарони тамаддуни инсонӣ онро аввалин унсури фарҳанг меҳисобанд. Масъалаи зуҳур ва пайдоиши ахлоқ баҳси доманадорест, ки дар дарозои таърих онро ҳар пажуҳишгар аз диди ҷаҳонбиниву ҷаҳоншиносии худ мавриди баррасӣ қарор додааст. Ҳамин масъала сабаби он гардидааст, то назариёти гуногуне доир ба пайдоиши ахлоқ ба миён оянд.
Намоишномаҳои театрӣ ва бозшиносии манофеи миллӣ (чанд андеша дар ҳошияи Фестивал-озмуни ҷумҳуриявии театрҳои касбӣ “Парасту – 2023”)
Фестивал-озмуни ҷумҳуриявии театрҳои касбӣ “Парасту – 2023” тайи рӯзҳои 27 апрел – 4 майи соли ҷорӣ дар шаҳри Душанбе доир гардид. Дар доираи он 21 намоишнома манзури бинандагон гардонида шуда, ҳамчунин рӯнамоии китоби “Дар масири ёдҳо”-и Саодат Азизова, мизи мудаввар дар мавзуи “Хушназар Майбалиев – арбоби барҷастаи санъати тоҷик” ва нишасти ихтисосӣ дар мавзуи “Вазъи кунунии театрҳои Тоҷикистон” баргузор шуд. Аз феҳристи 21 намоишнома 1 намоишнома ғайриозмунӣ (намоишномаи ғайриозмунии Донишкадаи давлатии фарҳанг ва санъати Тоҷикистон ба номи М. Турсунзода “Дод аз дасти Афандӣ” аз рӯйи асари Ғ. Ашӯр дар таҳияи Сомон Алимов) буда, 20 намоишномаи дигар дар доираи Фестивал-озмун мавриди тамошо ва радду бадалҳои ҳайати ҳакамону бинандагон қарор гирифт.
Ба ҳам меоварӣ Эрону Тӯрону Хуросонро
(Паёми шодбошии маҳфили “Ҷаҳони андеша” ба ифтихори зодрӯзи шарқшинос, андешаманд ва рӯшангари миллӣ Устод Зафари Мирзоён)
Номи донишманди фарзона, шарқшинос ва рӯшангари муосири миллӣ устод Зафари Мирзоён солҳост, вирди забони шахсиятҳои матраҳи муҳитҳои адабию маданӣ ва намояндагони барҷастаи ҳавзаҳои фикрию пажӯҳишии ватанист. Устод Мирзоён бидуни вақфа ва интизории подошу мукофоте умри азизи хешро сарфи омӯзишу пажӯҳиши масъалаҳои умдаи миллию ҳувиятӣ карда, то имрӯз дар масири ташаккулу таҳаввули ҳувияти миллӣ ва ҷаҳоншиносии аҷдодӣ бардамона гом бармедорад. Заҳмату талошҳои бардавоми илмӣ-эҷодӣ ва ҷуръату ҷасорати фавқулодаи миллӣ устод Мирзоёнро миёни доираҳои гуногуни сиёсию иҷтимоӣ ва адабию мадании минтақа соҳибэҳтиром кардааст.