Истиқбол ва ҷашни Наврӯз аз суннатҳои қадимтарини мардуми ориёӣ буда, то замони муосир арзишҳои худро гум накардааст ва мардум онро ҳамчун иди суннатӣ ва фарорасии соли нав бо шодмониву сарафрозӣ  дар шаҳру ноҳия ва деҳот бо базму тараб ва пухтупазҳои солинавӣ-баҳорӣ барои баракату фаровонӣ ва нуру сафо овардан ҷашн мегирифтанд.  Имрӯз ба туфайли Истиқлолияти миллӣ маросимоти Наврӯзӣ зеботару бошукӯҳтар мегузарад. Пешвозгирӣ ва ҷашни  Наврӯз  ҳамчун  иди баҳор, иди кишту кор ва заминагузорӣ  барои ҳосили сол, тару тоза намудани чаманзорҳову хиёбону кӯчаҳо, шинондани ниҳолу гулчанбарҳо, коштани сабзиҷот аз расму оинҳои беҳтарини айёми наврӯзӣ ба шумор меравад.

 Ба гузаштаи дури инсоният назар карда мо дар замони одамони аввалин намунаҳои инфографикаро дарёфт карда метавонем, ки ин ҳам бошад, расмҳои дар танаи сангу харсангҳои макони зисти онҳо мебошад. Ин инфографикаи оддӣ барои наслҳои ояндааш имконият дод, ки аз ҳаёти гузаштаи насли худ бохабар гардад. Инфографика дар ҳама давру замон вуҷуд дошт ва мемонаду амал мекунад. Намунаҳои онро дар ҳама давраи зиндагии инсоният мо дида метавонем. Лекин аввалин шуда дар нашриёт барои истифода бурдани доираи васеъи инфографика нашриёти таъбу нашри амрикоӣ “USA Today” ҷидду ҷаҳд намуда дар он аз ҳаёти шахсони намоёни давлат ва банкерҳо нашр мекарданд. Назар ба соли 1982 имрӯзҳо инсоният қадами устувореро ба пеш гузошт, ки ин на як қадам, балки қадамҳое, ки ҳисоби он хеле мушкил аст. Инфографика бо суръати баланд вусъат ёфт.

  Таърихи ҷомеаи инсонӣ борҳо собит намудааст, ки маҳз дар давраи гузариш аз як тарз ба тарзи дигари муносибатҳои истеҳсолӣ, ки он дар заминаи куллан тағйир ёфтани шакли моликият сурат мегирад, зуҳуроти номатлуб, аз қабили тундгароӣ,  ифротгароӣ ва даҳшатафканӣ бештар рӯйи кор меоянд. 
Далели ин гуфтаҳо даргириҳои сиёсӣ ва ҳарбии ибтидои солҳои навадуми асри гузашта бар асари гусастани ҳамгироии иқтисодии дар байни ҷумҳуриҳои собиқ Иттиҳоди Шӯравӣ дар як қатор кишварҳо, аз он ҷумла дар Ҷумҳурии Тоҷикистон рухдода, мебошанд.

  Аз замони зиндагии Ибни Сино бештар аз ҳазор сол гузаштааст. Дар тӯли ин муддат таълимоти фалсафии вай аз тарафи ҷонибдоронаш рушду такомул ёфта, аз ҷониби рақибонаш мавриди нақду инкор қарор гирифтааст. Ба интиқоди шадиди рақибон нигоҳ накарда, таъсири ақидаҳои Ибни Сино ба аксари мутафаккирони асримиёнагии Шарқу Ғарб барало ба мушоҳида мерасад. Асарҳои Ибни Сино ҳамчунин дар маркази диққати мутафаккирони давраи Эҳёи Аврупо қарор доштанд. Доир ба таъсири Ибни Сино ба мутафаккирони ин давра осори зиёди донишмандони давраи нав шаҳодат медиҳад. Вале аз тарафи дигар, Ибни Сино он эътибору шукӯҳеро, ки дар асрҳои миёнаи Аврупо дошт, дар давраи Эҳё то андозае аз даст медиҳад. Бо вуҷуди ин, таълимоти вай дар маркази таваҷҷуҳи донишмандони давраи нав, авраи маорифпарварӣ ва фалсафаи муосир қарор мегирад. Оид ба таъсири мутафаккир ба донишмандони давраи маорифпарварӣ як қатор олимон, аз ҷумла олими олмонӣ Эрнст Блох, маълумот додаанд.