Ман чӣ гӯям аз мақоми зиндагону мурдагон,

Ҳардуро чун ҷав фурӯшанд андар ин бозорҳо...

Тоҷирони дину дунё аз Худо баргаштаанд,

Чун Худо бинанд андар пайсаву дуллорҳо.

Хонумони аҳли оламро ба яғмо мебаранд,

Шуд насиби қавми афғон таркишу кушторҳо!

Ҳотифе аз номи Ҳақ, гуфто, ки Мансуре биёр!

Бишканад бо дасти худ ин минбару ин дорҳо!!!

Он “Аналҳақ”, баҳри Инсон мезад он марди Худой,

Ин “Аналҳақ”, баҳри Шайтон мезанад, хунхорҳо!!!

Комил Бекзода