Офтоб, ситораи  гарм буда ба ҳама тараф нурпоши мекунад ва ҳарорати бениҳоят баландро соҳиб аст. Аммо энергияи он ба сатҳи Замин  на ҳамчун гармӣ, балки ба намуди афканишоти офтобӣ интиқол  дода мешавад. Қисми зиёди ин афканишот аз байни қабатҳои болоию поёнии атмосфераи гузашта аз тарафи замин  ва обҳои қисми болоии сайёра фурӯ бурда шуда он ҷойҳоро гарм месозад  пас аз ин  нурафканӣ ба намуди энергияи гармӣ ба вуҷуд меояд.

   Табиат зебост. Манзараҳои он касро ба илҳом меоранд. Яке аз зебоиҳои табиат ин осмон аст. Рӯзона осмони софу беғубор ва кабуд ба кас рӯҳу илҳоми тоза мебахшад, шабонгаҳ бошад торикии осмон бо дурахши ситораҳо назаррабост. Ҳама аз дидани ин манзара ба ваҷд меоянд, хусусан дар шабҳои маҳтобӣ, ки осмон софу беғубор бошад аз тамошои он сер намешаванд. Зеботарин ҳолати осмон ин ҳангоми ғуруби офтоб аст, ки осмонро як тасмаи рангини сурху зард мапечонад, ки онро шафақ мегӯянд. Ҳамаи ин зебоиҳо  сирру асрори ниҳонеро дар худ дорад, ки табиатшиносон дар тӯли омӯзиш парда аз рӯи ин розҳои пӯшида мебардоранд.

    Ҳар кас мехоҳад ба гузашта нигарад, гузаштаро бо чашмони худ бубинад, пайдоиши Замину ситорагону коинотро бинад, лек фикр мекунад, ки ин кори гайриимкон . Яъне чӣ хел инсон метавонад ба гузашта нигарад ва онро бо чашмони худ бубинад? Ба гузашта нигоҳ кардан имкон дорад. Албатта, Шумо фикр доред, ки тавассути кинову китобу қиссаву афсона таъриху гузаштаро варақгардонӣ кардан мумкин. Вале  рохи дигаре ҳаст, ки Шумо метавонед ҳодисаи гузаштаро бо чашмони худ бубинед ва мушоҳида намоед. Мо роҳашро мегӯем: ба осмони ситоразор нигаред. Дар пеши Шумо тахрихи чандинмиллионсола ҷилвагар мешавад. Дар ҳақиқат дар осмон асрори зиёде нуҳуфтааст, аз он ҷумла ҳодисаҳои гузашта. Ин  мӯъҷиза нест, як ҳодисаи оддист.

   Дар ҳаёти ҳаррӯзаамон мо ин саволро бисёр шунидагӣ ҳастем, аммо то ҳол бисёриамон ҷавоби аниқашро намедонем. Чун ман дар ихтисоси астрономия таҳсил менамоям, бисёриҳо ин саволро доданд, ки одамони дар поёни Замин буда барои чӣ намеафтанд. Дар ҳақиқат ин ба назар аҷоиб менамояд, зеро мо баъзе чизҳоро бо чашми худ дида хулоса мебарорем. Масалан, азбаски мо заминро ҳамчун тӯб тасаввур мекунем, ҷисми дар болои тӯб будагӣ намеафтаду бо рафти поёншавӣ ба афтидан сар мекунад. Хусусан ҷисм дар қисмати поёнии тӯб умуман истода наметавонад, албатта ба шарте, ки часпак набошаду ширеш накарда бошем. Аммо дар ин ҳолат мо Заминро бо тӯб муқоиса карда наметавонем, зеро дар инҷо як мафҳум аст, ки инро ба мо иҷозат намедиҳад. Оиди ин мафҳум поёнтар сухан меронем.