Бозори Тилавзод аз зумраи муҳаққиқони бисёрфан ва донишманди нотакрори соҳаи фолклоршиносии тоҷик ба ҳисоб меравад. Истеъдоди беҳамтои навиштан ё нигоришро ба вай Яздони пок сазовор донистааст. Ба навиштани хотирот, ёдномаҳо ва махсусан осори гаронбаҳои шифоҳии халқи тоҷик бо завқу ҳавас ва бо ҳавсалаи том камари ҳиммат бастааст. Ба гуфтаи яке аз таборони шодравон «ӯ (яъне, Бозори Тилавзод, Ф.И) ба мисли устод Айнӣ ба навиштан шавқи зиёд дошт ва он кас дар ҳар маҳфилу суҳбатҳо аз ҷайби худ хомаву дафтар бароварда, маълумоти муҳимро барои худ сабт мекард». Яъне, барои навиштани маводи фолклорӣ ба қавли равоншод, фолклоршинос…

Устод Лоиқ яке аз ситорагони тобноки адабу фарҳанги садаи бистуми тоҷик маҳсуб аст, ки дар осори ҷовидонаи хеш ҷанбаҳои гуногуни фарҳангӣ, таърихӣ ва арзишиву миллии мардуми моро инъикос намудааст. Устод Лоиқ, воқеан, парвардаи мактаби бузурги худшиносӣ ва миллатсозии устод Айнӣ аст, ки ин масирро баъдан аллома Бобоҷон Ғафуров, устод Турсунзода, устод Қаноат ва дигарон идомат бахшидаанд. Осори устод Лоиқ, дар баробари ин ки мавзуоти зиёди ишқию лирикӣ ва эпикию ғиноиро фаро мегирад, масъалаи худшиносии миллӣ ва мавзуоти таърихию мушкилоти иҷтимоиро низ ифода мекунад. Ҳар кадоме аз ин мавзуот метавонанд мавриди пажуҳиши алоҳида қарор бигиранд. Ё…

(Паёми табрикотии маҳфили “Ҷаҳони андеша” ба муносибати зодрӯзи файласуфи муосири миллӣ Ёрмуҳаммад Ниёзӣ) Бо меҳри Аҳуройи куҳан меойӣ, Бар рағми ситези Аҳриман меойӣ. Бо ҳикмати озодагӣ Ёрии азиз Аз баҳри наҷоти ин Ватан меойӣ.

Ба ифтихори 75 солгарди узви вобастаи Академияи миллии илмҳои Тоҷикистон Муҳаммадалӣ Музаффарӣ Мафҳум натиҷаи раванди фаҳм аст дар қисмате аз майна ва сатҳу хусусияту дарки он ба ташаккулу тамрини ин қисмат вобаста аст. Бино бар ин, тафаҳҳуму тадоруки маъонӣ корест басо мушкил, ки дар тавон ва қобилияти ҳар майна наменгунҷад. Афроди бани башар, бунёдан ва касбан, бо хасоиси мазкур аз ҳам тафовут доранд ва ғолибан сатҳ ва дараҷаи ташаккули зеҳнии онон дар бунёди оила, қавм, қабила, халқийяту миллат ва осори илмию амалии эшон зоҳир мегардад. Киҳо ва ба кадом дараҷа муваффақ шудаанд, ё дар аввали…